Frisco, Part two

Am letschte Tag het eis Highlight ds angere gjagt. Agfange hets mitere unfründleche Bedienig im Denny's. Das gits doch gar nid ;-). När di ungloublechi Ussicht im Lincoln Park ufe Beach wome wäg Näbu nid gseh het. Di vergäblechi Suechi im Golden Gate Park nach Hippies het zimlech Zyt i Aspruch gno, hätte mer doch gärn ds Flower Power Feeling vo dere Stadt chli miterläbt... Der Höhepunkt vo Hüt isch gsi, das eis vo de berüehmte Fullhouse-Hüser am Alamo Square momentan im Umbou isch, so dases so versch... het usgseh fürs Fötele, dasmer üs d'Müeh gar nid gmacht hei azhaute. Grummel. 

Derfür heimer d'Golden Gate Bridge ire ganz schöne Stimmig chönne gniesse und hei o der Usblick vom Twin Peak uf d'Stadt bestuunet. 

Dr churz Abschtächer ids Castro-Viertel het üsi Luune chli ghobe. Bi au denä Peace and Love Fähnli u dä härzige glichgschlächtleche Pärli uf dr Schtrass, muess mä eifach lächle :-).

Miteme lachende und eme grännende Oug lömers la Abe wärde u mache üs ds letscht mau ufd Suechi nacheme Steakhouse. 

Peace and Love, öie Flower-Smokey

Kommentare

Oh, soooo trurig! I lide grad mit! Superschöne Heiflug. Und die nächschte Ferie chöme ganz beschtimmt. Es liebs Grüessli - Mami / Trudy