On the road - zum letschtä mau

Mit chli enttüschte Gsichter hei mr üs vom Yosemite verabschiedet. Mir hei ke Bär gseh und hätte doch fescht dermit grächnet. Das isch fasch wie nach Vegas fahre, i vouer Überzügig das mä dr gross Jackpot hout, när isch de glich nüt gsi ;-). 
Zum letschtä mau hei mr üses ganze Baggage im Outo verschtout und üs für nä längeri Fahrt ignuschet. Los geits zersch düre dicht Wald vom Yosemite. Päss z'dürab und z'düruf. Irgendwie ligt da e komische Näbel ir Luft. Bim gneuer häre luege, oder besser gseit schmöcke, heimer aber gmerkt dass das ke Näbu isch, sondern Rouchschwadene vomene Waldbrand. Über sächs Quadratkilometer vom Park heter verschlückt, wimer speter uf der Titelsite vore Zitig gläse hei. 

Wieder mau het säch dLandschaft völlig veränderet. Äs isch nüme so heiss, aber sehr trochen. Dr Bode isch usdörret und wit u breit ke grüen. Z'Gras het ä guldige Farbton agno und die paar Böim wos het, schine o eher knurrig u dürr. Nacheme churze Cola-Shop-Stop gsehts ringsum wieder völlig anders us. Mir fahre dür ändlos würkendi Olivenhaine u de scho gli ufe Freeway nach San Francisco. Holperdipolperholper... D'Schtrasse in California si ä rächti Herusforderig für jedi Blase ;-). 

Über dBay Bridge geits ine uf San Francisco. Im Hotel icheckt mache mr üs uf, u gö mau die erschte Meter in Frisco ga erkunde. 

Kommentare

Genau uf seregi Föteli hani gwartet! Wunderschön u vertrout us Fiume. Gniesset öie letscht Ufenthaut no i voue Züg.... Liebi Umarmige u Grüessli

Danke! Wie immer sehr schpannend und idrücklech! Häit no es paar wunderschöni Tage. Gniessits! Nid trurig si - tusig fantastischi Erinnerige wärde i öine Härze bliebe!!! I wüsche öich nachhär e guete Rückflug und fröi mi, öich wieder z gseh! Liebi Grüessli - Mami / Trudy

Merci a derä Schteu für ds'Steakföteli inkl. Gruppeposing! U dänket dra: For those who come to San Francisco Summertime will be a love-in there In the streets of San Francisco Gentle people with flowers in their hair!